महाराष्ट्र शासनाच्या उच्च व तंत्रशिक्षण विभागाकडून तंत्रशिक्षण संचालनालयाच्या अखत्यारितील शासकीय, शासन अनुदानित (शासकीय अभिमत विद्यापीठासह), विनाअनुदानित महाविद्यालये / तंत्रनिकेतनामध्ये सुरु असलेल्या निवडक व्यावसायिक अभ्यासक्रमांसाठी सक्षम प्राधिकाऱ्यामार्फत केंद्रीभूत प्रवेश प्रक्रियेद्वारे प्रवेश घेणाऱ्या आर्थिकदृष्टया दुर्बल घटकांतील विद्यार्थ्यांसाठी “शिक्षण शुल्क प्रतिपूर्ती योजना” सन 2006-07 पासून लागू केली.

• शिष्यवृत्ती रक्कम – सदर योजनेंतर्गत विद्यार्थी ज्या शैक्षणिक अभ्यासक्रमामध्ये शिक्षण घेत असेल, त्या अभ्यासक्रमाकरिता आकारण्यात येणारे शिक्षण शुल्क व परीक्षा शुल्क रकमेच्या लाभ मुले / मुलींना खालील प्रमाणे देण्यात येतो.
अ. क्र.	प्रकार	कुटुंबाचे वार्षिक उत्पन्न मर्यादा	अभ्यासक्रम	विद्यार्थी	शैक्षणिक शुल्काच्या	परीक्षा शुल्काच्या
1	शिष्यवृत्ती	8 लाखा पर्यंत	व्यावसायिक	मुले	५० टक्के	५० टक्के
2	शिष्यवृत्ती	8 लाखा पर्यंत	व्यावसायिक	मुली	१०० टक्के	१०० टक्के

शिष्यवृत्ती अर्ज करण्याची प्रक्रिया:
पात्र विद्यार्थ्यांनी महाडिबीटी पोर्टल (https://mahadbt.maharashtra.gov.in) वर ऑनलाईन अर्ज करावा.